Ek bar ek showroom mein salesman ke liye interview ho rahe the. Ek ladka bhi interview dene ayaa. Is ladke ko angrezi nahin aati thi, to usko manager ne reject kar diya. Ladke ne manager se kaha, aapko sale se matlab hona chahiye angrezi se kya? Aap mujhe ek bar chance dein, agar sale badh gaya to salary dena nahi to hata dena.
Manager ko baat pasand aayi. Ladke ko Naukari par rakh liya gaya. Doosare din se hi sale dugani, teesare din tiguni aur daily sale badne lagi. Showroom ke malik ko pata laga, usne manager se kaha, is naye ladke se mujhe milna hai.
Malik showroom par aaya, usne dekha ladka ek customer ko fishing-rod bech raha tha. Woh door khada ho kar hi usko customer se deal karte dekhne lagaa. Ladke ne fishing-rod bech di. customer ne kaha kitne rupaye, ladka bola Rs.800/-. Yeh kahkar ladke ne customer ke shoes dekhe aur bola, itne mehange shoes pahankar fishing karne jayenge? Ek sport shoe bhi kharid lijiye, customer ne sport shoes bhi kharid liye. Ab ladke ne kaha talaab kinare dhoop mein baithna padega, ek cap bhi kharid lijiye to theek rehega, customer ne cap bhi kharid li. Ab ladke ne kaha, machli pakadne mein bahut intezar karna padega, kuchch eatables, wafer, biscuits, bhi le jayiye, customer ne woh bhi kharid liye. Ladka bola machli pakdenge to rakhenge kahan ? Yeh ek Rs.100/- ki basket bhi le lijiye, customer ne woh bhi kharid li. Ab total bill bana Rs.2000/- ka.
Malik bahut khush hua. Usne ladke ko bulaya aur kaha, tum to kamal ke salesman ho. Woh aadmi fishing rod kharidane ayaa tha aur tumane usey itna sara samaan bech diya, very good. Ladka bola, woh aadmi to "Carefree Sanitary Pack" khridane ayaa tha, maine kaha, char din tu ghar par kya karega, Machli pakad.